سؤال لأهل الخبرة كام تكلفة الرأس في الدورة 6شهور في ظل ارتفاع الأسعار والتكاليف

سلام الله عليكم جميعا أهل الرابطة الكرام ..
سؤال من فضل أهل الخبرة الأفاضل ..
ماهى المواصفات المناسبة فى إختيار كبش ( طلوقة ) للغنم ؟
وهل هناك ضرر فى إختيار إبن من أبناء القطيع ؟
وما نوع الطلوقة فى الصورة المرفقة وتفضيلى له لأنه صائد للغنم مع نفسه بدون مساعدة ......
صباح الخير على الجميع ...

*** تقدير العمر فى الاغنام *** :
يقدر العمر فى الاغنام عن طريق الاسنان حيث يتم التعرف على اعمارهم من خلال اسنانها ونوعها وعددها حيث يبدأ التسنين فى الاغنام بعد ...الولادة مباشرة .
من عمر اسبوع الى اسبوعين : يظهر زوج القواطع الوسطى
من عمر اسبوعين الى اربعة اشهر : يكتمل ظهور القواطع اللبنية الباقية وعلى التوالى الرباعيات والسديسات والقارحات على الفك السفلي والتى يقابلها وسادة غضروفية خالية فى الفك العلوى
بالنسبة للاضراس : تظهر الثلاثة ازواج الامامية اللبنية بين 1 – 2 اسبوع بينما تظهر الثلاثة ازواج الخلفية بحالة دائمية حيث لا يتم تبديلها ويمكن التمثيل كما يلي
عدد الاسنان اللبنية ( 8 قواطع + 12 ضرس = 20 سنا )
فى عمر سنة يسقط زوج ثنايا اللبنية ويستبدل بزوج ثنايا دائمي
*فى عمر ثلاث سنوات : يظهر زوج السديسات الدائمي
*فى عمر اربع سنوات : يظهر زوج القارحات الدائمي وتكون قواطع الاغنام التي شكلها مغزلى
*فى عمر خمس سنوات : يكتمل وجود الاسنان الدائمية بنوعيها فى الفم ويكون عددها 32 سن
الاسنان الدائمة ( 8 قواطع + 24 ضرس ) = 32 سن
بعد عمر خمس سنوات يصعب تقدير العمر ويوضع فى الاعتبار النقاط التالية : -
. مقدار التأكل فى القواطع والاضراس
. مدى تغير لون الاسنان حيث يتغير الللون الابيض الى الاصفر او البني مع تقدم العمر
. مدى ثبات الفكوك وخصوصا الفك العلوى
. مدى اتساع المسافة بين الاسنان
. الاغنام المسنة تسقط جميع الاسنان
*** ملحوظة ***
الاغنام المرباة بطريقة مكثفة تظهر الاسنان الدائمة اسرع من التى تربى بطريقة الرعي والسير لمسافات طويلة .

د / عادل شحاتة

عنابر بياته للشتاء وتصلح في الصيف ...
استغلال أي جدار مبني ...
شوية نخل ميت يقص أطوال واحدة و ممكن تقسمه من النصف وتربط بيه بدل العروق وسلك تشده على النخل
وبانيوامستخدم.

تشتري خروف صغير يعني تشتري خروف راضع كويس و بيجري قدامك و شعره بيلمع و راسه لفوق و طرفه مش كبير...و ما تستخسرش فيه 50 جنيه زيادة.
لو شاريه من حد تعرفه اساله كان بياكله ايه....اخطر مرحله هي ما بعد الشراء مباشره...لانك متحمس بقي و عايز تحقق رقم عالمي في الزياده....ده مع الغنم هيرجعنا ورا ...تغيير الاكل في الاغنام بالتدريج...بالتدريج...بالتدريج....الخروف ما يخدعكش ...ممكن تلاقيه بصحته و في كلمه و نص راح منك....اول 12 يوم كل اللي يهمك انه ما يتعبش ...لو ما تعبش عندك اول 12 يوم و ...مازادش يبقي مكسب ليك ( مش خساره).
اي خروف هتجيبه لازم تعزله عن اللي عندك لمده اسبوعين...و تستقبله بمضاد حيوي طويل المفعول ...بعدها بيومين هتدي تحصين ضد الكلوسترديا ( كوفاكسين او اللقاح الجامع او اي نوع اخر و يكرر بعد شهر ) و بعدها تدي جرعه ايفوماك سوبر او ايفوماك و اي حاجه ديدان كبدية ( ممكن جرع هابدكس او كيورافلوك او البندازول مع حاجه كبدي) و يكرر بعد اسبوعين....هتجيب تحصين باستريلا و تحصنهم...لو مالقتوش مستورد هاتوا من المصل و اللقاح في العباسيه
عايز تسمن صح....80% مركز و 20% مواد مالئه و يفضل دريس...لو مفيش دريس هات تبن او قش بس لازم يكون من مصدر نضيف بعيد عن الكلاب...و ماتفرحش انه طول النهار بياكل تبن و شويه علف صغيرين و تقول بكسب....لا مش هتكسب و الحيوان ما بيضحكش عليه.
اشتغل بعليقه 18% بعد الفطام و 16% تحت ال 35 و 14% فوق ال 35...عايز تركبها علي ايديك ماشي ...عايز تشتريها من شركه محترمه احسن...انا جربت ده و ده و الافضل تجيبه جاهز....الذره الناعمه ما تنفعش مع الغنم ...النص مجروش او الصحيح افضل علشان اللكمه...العيش الكتير مشاكله اكتر من عيويه و متحطلهمش دقيق علشان حرام و علشان هيضرهم اكتر ما هينفعهم....هتشتغل بعلف جاهز يبقي هتحط كيلو للحيوان...كيلو بس من وزن 25 الي 50كيلو.و كيلو و ربع فوق..علشان ما يرميش دهن معاك و هوه كبير...التحويل افضل في الصغير عن الكبير.
البرقي اسهل في بيعه لكن من خبرتي اي خروف ليته معقوله و ضهره ملفوف مفيش مشكله في بيعه...البرقي مشهور لان اهلنا في العامريه بيتوصوا بيه...لكن لحم الاغنام اللي بتتربي علي مركزات كلها زي الفل.
التغذيه المظبوطه و التحصين و العلاج اللي في وقته و نضافة المكان هما دول مفتاح النجاح....هتشتغل وقائي مع الاغنام هتكسب... Sick sheep Seldom Survive ...الغنم العيانه نادرا ما تعيش ( طبعا علي حسب المرض)
اعدائك هما : الموت المفاجئ...الباستريلا ....الدور....اللكمة.نقص الاملاح و الفيتامينات...الديدان
متوسط الزياده الشهريه في الاغنام 6 كيلو في الشهر ...تقل في البرقي و تزيد في الرحماني...ما تضغطش ع الحيوان في الاكل...احنا مش في مسابقه الله لا يسيأك
نصيحه اخيره....افضلك تشتري 35 كيلو و ما فوق عن 20 كيلو و مافوق....اقتصاديا افضل...لو مبتدأ كل ما كان الوزن اكبر كل ما كان افضل. الخروف ممكن يكسبك ( قبل تكاليف العماله و المكان ..الخ) من 80 الي 100 جنيه شهريا...لكن لو خروف راح منك هتخسر مش اقل من 1400....تربيه الغنم مش زي تربيه العجول...تربيه
الغنم سهل ممتنع.
و ربنا يوفق الجميع

كيف تتم الوقاية من إلتهاب الضرع في الحيوانات ؟
1. أول خطوة في الوقاية من الإصابة بهذا المرض هو عزل الحيوانات المصابة في مكان مستقل عن الحيوانات السليمة لمنع انتقال العدوى منها.
2. تطهير الحظائر بعد عزل تلك الحيوانات للقضاء على الجراثيم التي قد تكون موجودة بالتربة وذلك بإستخدام المطهرات مثل مركبات الامونيوم الرباعية والفينول وغيرها .
3. الحرص على نظافة الحظيرة بإستمرار وازالة مخلفاتها اولاً بأول. ...
4. بعض المسببات المرضية يمكن الوقاية منها بالتحصين مثل مرض التسمم الدموي وكذلك امراض المايكوبلازما.
5. التقليل من الادوات الحادة التي قد تسبب جروحاً في الضرع وانتقال العدوى إليه مثل المعالف التالفة وكذلك بقايا أسلاك تربيط الأعلاف (الأسيام) .
6. تفريغ الحليب كاملا من الضرع السليم حتى لا يؤثر بقائه على صحة الضرع .
7. إرضاع مولود الحيوان صناعيا إذا كان ارضاعه مباشرة من الضرع يؤدي إلى جروح في الحلمات وخاصة في حالة إصابة الحيوانات ببعض الأمراض مثل مرض التهاب الفم الجلدي الساري (الأورف).
8. المبادرة بعلاج أي جروح أو خدوش بسيطة في الضرع في أسرع وقت ممكن وذلك بإستخدام المطهر او بخاخ الجروح.
9. مراعاة فحص الحيوانات التي تدر الحليب وفحص لبنها من أجل المبادرة باكتشاف أي حالة مرضية وذلك لتجنب المضاعفات.
10. عدم ترك الحيوانات التي لم تعالج بعد داخل القطيع او ترك الضرع المريض يجف حيث ان الجرثومة تكون نشطة جداً في موسم الحليب القادم ويجب التخلص من الحالات التي لا تستجيب للعلاج .
11. عند حلب الحيوان يفضل أن يقوم الحلاب بغسل يديه جيداً بالماء والصابون وغسل الحلمات بماء دافئ ويفضل رش مطهر موضعي على الحلمات قبل البدء بالحلب لمنع انتقال العدوى بسببه .
12. في المزارع التي تستخدم مكائن الحلب يجب الاهتمام بنظافة تلك المكائن وتطهيرها قبل الحلب .
13. يجب عدم استخدام حليب الحيوانات المصابة للإستخدام الآدمي أو لإرضاع الحيوانات إلا بعد انقضاء فترة العلاج وفترة التحريم والتي تكون مذكورة على النشرة الخاصة بالعلاج . .
14. يفضل عمل فحص دوري للقطعان للتأكد من عدم وجود إلتهاب غير ملحوظ بالضرع ومن ثم السيطرة عليه قبل تطوره إلى أشكال أخرى أكثر تعقيداً.

السلام عليكم ورحمة الله وبركاتة
سوال ينفع الطريقة دى فى تسمين الخراف علشان نوصل لاعلى وزن واية عيوبها واللى ناقصها
250جرام دريس
500جرام ذرة...
150جرام صويا
350جرام علف الدواجن
الكلام دا بالنسبة للراس الواحدة
الصورة للفت الانتباة فقط

كلنا نفسنا نربيه وخصوصا لو من بره بس المشكه ان سلالات اللحم ممنوعه من دخول مصر منع نهائى والى الان لا يوجد اى تعديل او قرار يتيح دخول الماعز البور مصر
وفى الحقيقه انا بستغرب جدا لما بلاقى حد يقول انا هنزل بور وباسعار رخيصه مع احترامى للجميع انا مش بشكك فى حد بس برده مش مصدق ان حد هيجيبه لان الموضوع معقد اكتر من الازم مش بالسهوله اللى احنا متخيلينها

عزيزى المربى البسيط او المبتدئ
مصطلحات تهمك ؟
انت بتسمع مصطلحات وانت بتابع معانا وممكن تتحرج تسال يعنى ايه وبتتكسف تسال ؟
لا ياعم كلنافى خدمتك
المنشور ده عام لجميع الاعضاء زو الخبره الكل يشارك علشان...
الكل يستفيد؟
مثال؟
حوليه
بدريه
نعجه
حوليه يعنى نتايه صغيره من الغنم لاتتعدى الخمس شهور
بدريه بدريه تطلق على الحوليه اللى على وش عشار
نعجه عشرت وولدت قبل كده
تمام ده فى الغنم
الماعز
ربعيه يعنى على وش عشار
معزه عشرت وولدت قبل كده
نبداء مع بعض نشارك ونتابع وياريت ان امكن صور
اللى عنده مصطلح يخص الموضوع يزكره؟

خواطر مربى (1)
اول حاجه فى علاج الاسهال
1/ امنع البرسيم
2/ قيس درجة الحرارة
3/ابدأ العلاج...
والسؤال هو:
كيف تعالج الاسهال المصحوب بارتفاع درجة الحرارة

البيتاموكس مضاد حيوي معوي يشتغل علي التهاب الضرع والتهاب الحافر ويتم الحقن به مع مضاد التهابات زي الفلونيدين والكولي بريم كل 48 ساعه لانه طويل مفعول 5سم بيتاموكس و3سم فلونيدين او كولي بريما وممككن تحقن معاه هستاكيور 2سم مضاد حساسيه مره واحده

علاج الاسهال للصغار والكبار
زجاجه انتينال بشري
شريط استربتوكين بشري
2 باكو سيمكتا او انتوسيد بشري
4بواكي محلول معالجة الجفاف ...
تطحن شريط الاستربتو كين كله ال 10 حبيات وتخلط عليهم السيمكتا او الانتوسيد
وتخلط بواكي محلول الجفاف علي الانتينال وتذود شوية ميه قليلين وترج كويس وتجرع الصغير مرتين في اليوم كل مره 10سم عن طريق الفم وانسي الاسهال خالص
الصوره للفت الانتباه

طريقة العلاج والانواع
اولا التهاب العين تخلط 20 سم ديكساميثزون علي زجاجه اوكسي جيكت ويقطر منها في العين بعد الغسيل الجيد
ثانيا الاسهال +البرد
3سم باكتليوم للام عضل و1سم للصغير
3سم ديكلو5%للام عضل و1سم للصغير ...
3سم كولي بريما للام عضل و1سم للصغير
ثالثا في حالة انخفاض الحراره والوزن (الضعف)
يحقن الكبير ب20 سم كالسيوم امنيو بلاكس تحت الجلد او عضل او وريد
ويعطي ايضا 5سم مالتي فيتامين
عضل اما الصغير يعطي نصف الكميه
((العلاج ده يعتبر اسعاف اولي في المزرعه ولكن لاغني عن الطبيب ))
وشكراااااااااااا

علاج الميه البيضاء او الزرقاء علي العين
3 امبولات بشري الفا كومتركس العلبه فيها 6 امبولات امبول سايل وامبول فيه حبه زي الاسبرين يخلط علي بعص ويتم الحقن عضل لمده ثلات ايام كل يوم حقنه وتغسل العين جيدا وتحط ليها قطره اسمها اوبن دايدكس مرتين في اليوم قبل كل مره لابد من الغسيل الجيد وباذن الله يروح الزراق ال في العين
ولو تعرف تخزم في عرق النظر يكون افضل
عرق النظر فيه في الاذن من الداخل ثلاث عروق هو العرق الموجود في المنتصف تعدي فيه ابره ملضومه بفتله قطن وتجريه ثالث يوم ولايتم نزعه من الاذن حتي يذهب زراق العين وان شاء الله خير

في الالتهاب الرئوي القديمه يتم العلاج ب اعطاء الحيوان دراكسين حقن تحت الجلد 1سم لكل اربعين كيلو وفينادين 1سم لكل اربعين كيلو عضل 3 جرعات متتاليه بين الجرعه والجرعه يوم

طرق التحكم والسيطره في مرض البروسيلا
البروسيلا هو أحد الأمراض الهامة التي تصيب الحيوان، وتسبب خسائر اقتصادية كبيرة، وهو من الأمراض التي تنتقل إلى الإنسان، وتسبب له ما يعرف باسم الحمى المالطية أو حمى البحر الأبيض المتوسط أو الحمى المتموجة، ويرجع اكتشاف هذا المرض إلى الطبيبالإنجليزي سير ديفيد بروس سنة 1878، ومن هنا سمى المرض باسم هذا الطبيب وقد كان اكتشاف المرض أولاً في الإنسان في جزيرة مالطة (من هنا أخذ المرض أسم الحمى المالطية) حيث توجد أحد القواعد البريطانية، وذلك أثر وفاة ب...عض الجنود البريطانيين نتيجة لتناولهم ألبان ماعز ملوثة، وتم عزل الميكروب المسبب من طحال الجنود المتوفين في ذلك الوقت. والمرض يصيب جميع الحيوانات المجترة مثل الأبقار والجاموس والأغنام والماعز وغير المجترة مثل الخنازير والخيول والكلاب وكذلك الحيوانات البرية، ويسبب المرض خسائر كبيرة نتيجة الاجهاضات التي تحدث للحيوانات المصابة بميكروب البر وسيلا، وتتعاظم خطورة المرض لسهولة انتقاله للإنسان، وربما أيضا لصعوبة تشخيصه في الإنسان نتيجة لتداخل أعراضه مع أعراض الكثير من الأمراض التي تصيب الإنسان .

وللتحكم في هذا المرض نعمد إلى الإجراءات التالية :
1-تعتبر الحيوانات المجهضة أو الوالدة هي المصدر الأساسي لنشر العدوى حيث أن الجرام الواحد من المشيمة المصابة يحتوي على 10 بليون ميكروب من البر وسيلا لذلك يجب التخلص الصحي من الأجنة المجهضة أو المشيمة أو إفرازات الحيوان المريض وحرق مخلفات الحيوان المصاب
2-إذا ظهرت حالات فرديه في المزرعة يجب وضع المزرعة تحت الحجر البيطري لحين انتهاء أخر حالة ايجابيه بعد مرور ثلاثة اختبارات متتالية سلبية ويعتبر حليب تلك المزرعة ملوثا حتى ولو كان منتج من حيوانات سليمة ويتم تصنيعه بصورة سمن ليتم ضمان غليانه ,, وتخطر وزارة الصحة بذلك لفحص العاملين والمخالطين لهذه الحيوانات
3-لا ينظم إلى القطيع أي حيوانات جديدة إلا بعد التأكد من أنها خاليه من مرض البر وسيلا وتعزل وتفحص حتى تعطي اختبارين متتالين بينهما 20 يوم سلبي
-العجول المنتجة من أمهات مصابه بالبر وسيلا يجب عزلها وترضع صناعيا وتختبر لمدة 6 أشهر ويحصن السلبي منها , ثم يعاد اختبارها مره أخرى قبل الدخول بالتربية (سنه ونصف ) أما التي ثبت ايجابيتها فيتم ذبحها وأكل لحمها.
4-يجب التخلص من الكلاب الضالة والقطط والفئران والحشرات بالمزارع
5-يجب عدم تربية الأغنام والماعز مع الأبقار في مكان واحد
6-عند ذبح الحالات الايجابية يجب ذبحها بعنابر خاصة ثم يتم تطهير المجزر بع ذلك والتخلص من ما يلي : الضرع – الغدد اللمفاوية – الطحال – الجهاز التناسلي عدما بالحرق
7-يجب فحص المزارع كل 6-12 شهر وأفضل أسلوب هو الاختبار وذبح الايجابي
منقول للفائدة

البرد من أخطر الأمراض اللى ممكن تقابل اى مربى مبتدء والاهمال والتاخر فى علاجها بنسبة كبيرة بيسبب موت الحيوان ومش بس كده دا كمان معدى لباقى الحيوانات علشان كده ضرورى جدا ناخد بالنا منه والوقايه افضل من العلاج لكن لو حصل المرض ولقيت الحيوان بيطلع سايا لزج من الانف واكلته خفت وهناك ارتفاع فى درجه الحرارة او احمرار فى العين وعماص او نهجان ومش شرط اجتماع كل هذه الأمراض ممكن بعضها
وحضرتك فى مكان بعيد عن الصيدليات البيطريه وعايز حاجه بشرى على السريع
سيفوتاكس بشرى مضاد حيوى حقن عضل
...ديكلوفين حقن خالص حرارة ومضاد التهابات حقن عضل
افيل مضاد حساسيه حقن عضل
البنت دوا كحه شراب
والحاجه دى مش غاليه ونتائجها فعاله جدا وتشتغل يومين متواصلين
وبالتوفيق ان شاء الله

1473228022483